Саем за високо образование во САД се одржа денеска во Скопје
Повеќе од 700 средношколци и студенти го посетија Саемот за високо образование во САД, кој се одржа денеска во Скопје, во организација на Американската амбасада во Македонија.
На саемот претставници од единаесет високообразовни институции ги презентираа академските програми за додипломски, постдипломски и докторски студии, како и за можностите за стипендии и финансиска помош.
Американскиот амбасадор Џес Бејли, рече дека и самиот својата кариера ја почнал со одење на студентска размена во странство, што му го отворило светот.
- Верувам дека образование во странство, навистна може да ти го отвори светот, не само за образовни можности, туку и за други искуства што вистински те прават граѓанин на светот. Тоа е важно во овој глобализиран свет и се надевам дека македонските талентирани студенти ќе ја искористат можноста, изјави Бејли.
Посочи дека сите заинтересирани ученици, особено оние што не дошле на саемот, може да добијат совети и информации за студирање во САД и од советниците во американските катчиња низ земјава.
- Тоа е комплициран процес, малку поинаков од исксутвата во Македонија и Европа. Затоа секој што е заинтересиран за студирање во САД треба да ги контактира EducationUSA за добивање на совет, кој е бесплатен, рече Бејли.
Welcome to representatives from 11 U.S. universities in #Skopje today. No matter what subject you wish to study, the U.S. offers an academic program for you. @EducationUSA advisors in #Macedonia can help you with the application process & finding scholarships. pic.twitter.com/yeD7qOBTWe
— Amb. Jess Baily (@AmbBaily) April 19, 2018
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа