Во резервоарот криеле 9 кила дрога - Македонци уапсени во полициска акција во Србија
На граничниот премин Хоргош запленети се повеќе од 9 килограми марихуана и уапсени се двајца македонски државјани, соопшти денеска српското МВР.
При преглед на резервоарот на возилото „опел астра“ со македонски регистарски ознаки, полицијата пронајде десет пластични шишиња наполнети со вкупно 9 килограми и 377 грама марихуaна.
Поради постоење основано сомнение дека извршиле кривично дело неовластено производство и ставање во промет на опојни дрога, на осомничените И.М. (32) и А.А. (37) им е одредено задржување до 48 часа, по што со кривична пријава, ќе бида приведени во вишото јавно обвинителство во Суботица.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
