Сообраќајка попладнево на излезот на Прилеп: Автомобил превртен на патот
Двe лица се полесно повредени во сообраќајната несреќа што се случила денеска околу 13 часот на патот Прилеп-Битола во близина на Прилеп. Повредените се префрлени на лекување во прилепската градска болница.
Според Сања Стаматова, портпарол на СВР Битола несреќата се случила околу 13 часот.
- Од засега непознати причини патничкото возило марка „Хјундаи акцент“ со прилепски регистерски таблички со тројца патници се превртило на патниот правец Прилеп - Битола на излезот од Прилеп. Двајца од тројцата патници се здобиле со полесни телесни повреди, а жената-возач не е повредена. Повредените се префрлени на лекување во прилепската градска болница, вели Стаматова.
Увид на местото на несреќата направи прилепската полиција.
31.05.2018 - 15:33
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
