Излетал од патот: Страшна несреќа во Македонија, повредено дете

Во 02.00 часот по полноќ на локалниот пат село Сиричино кон село Туденце, тетовско, 24-годишниот Р.И. од Раотинце, тетовско, управувајќи товарно возило „Форд“ со тетовски регистарски ознаки, изгубил контрола и излетал од патот.

Притоа, со тешки телесни повреди се здобил 15-годишен сопатник од селото Јегуновце, тетовско.

Тој бил пренесен во Клиничката болница -Тетово каде му била укажана лекарска помош, но поради сериозноста на повредите тој бил пренесен во Ургентен центар при комплексот клиники „Мајка Тереза“-Скопје.

Увид на местото извршила увидна екипа на СВР Тетово.