Осудениот за убиство на Мартин Нешковски пуштен од затвор поради здравствени проблеми
Игор Спасов, кој е осуден за убиство на Мартин Нешковски привремено е пуштен од затворот Идризово, поради здравствени проблеми, објави Независен.мк
Од Управата за извршување на санкции велат дека поради здравствени испитувања, Спасов првично добил прекин на издржување на затворската казна од 15 дена, а потоа судот врз основа за медицинската документација му го продолжил прекинот.
Директорот на Управат Јовица Стојановиќ во изјава за Независен весник вели дека штом заврши со лекувањето Спасов повторно ќе биде вратен во затворот, а овој прекин нема да му биде пресметан во отслужувањето на затворската казна.
Неговиот адвокат Ване Андреев за Независен весник вели дека периодот на прекин на затворската казна е краток, околу 20 или 30 дена за што има доставено и медицинска документација. Неговиот адвокат го бранеше и премиерот Зоран Заев, во случајот „Поткуп“.
Спасов, поранешен припадник на „Тигрите“ беше осуден на 14 години затвор за убиството на Нешкоски што се случи на прославата на изборната победа на ВМРО-ДПМНЕ во 2011 година. Тој има досега отслужено шест години затвор.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
