Тешко повреден параглајдерист на планината Галичица
Вработен во националниот парк „Галичица“ вчера во 14:50 часот пријавил дека под врвот „Баба“ на планината Галичица забележал параглајдерист кој паднал на карпа.
Полициски службеници излегле на местото и го пронашле 37-годишниот О.В. од Украина, кој бил во контактибилна состојба. Во разговор тој изјавил дека во непосредна близина на превојот на место викано „Баба“ паднал и се здобил со повреда на зглобот од десната нога и во пределот на половината. Од страна на планинската спасувачка служба од Охрид лицето било извлечено, а од екипа на Итна медицинска помош било пренесено во болницата „Св.Еразмо“-Охрид каде му биле констатирани тешки телесни повреди и бил задржан на лекување надвор од животна опасност.
Увид на местото на настанот извршила екипа од СВР Охрид.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа