Инвеститорот од кај Мајчин дом: Тоа е мој имот, јас го платив
Во денешното Студио 1 на 1ТВ телефонски во живо се огласи инвеститорот кој гради кај Мајчин Дом, поранешниот пратеник Фатмир Етеми.
Тој во оваа прилика изјави дека поради прекинот на изградбата е во милионски загуби и најави дека ќе ја обжали општинската одлука. Прашан за револтот на граѓаните, Етеми тврди дека ги разбира, но дека при изградбата на неговиот објект нема ништо незаконско.
– Јас сите правни процедури досега сум ги почитувал до крај. Долго време сум со бизнисот со градежништво и сум одличен познавач на овие постапки. Јас бев денеска кај градоначалникот на средба и ме информира дека ќе донесе одлука за да го стопира градењето на зградата, бидејќи оградата на градилиштето не била поставена според одобрението за градба. Јас не се согласувам со тоа и ќе поднесам жалба. За да не дојде до овој проблем и до оваа ситуација требаше многу порано да се реагира, а не кога е уплатено земјиштето 3 милиони евра, комуналиите 2 и кусур евра, вкупно се потрошени 5 и пол милиони евра, што е висока сума – изјави инвеститорот Етеми за 1ТВ.
Според него не е во ред советниците што го гласале ДУП-от сега протестираат и да нанесуваат голема штета на бизнис заедницата.
-Го разбирам револтот на граѓаните. Но треба да бидеме коректни до крај. Велат дека им го земам зеленилото, но тоа е мој имот, тоа е мое уставно гарантрано право на имот – изјави Етеми.
Тој најавува дека на таа ливада нема да пресече ниту едно дрво, ниту планира. Предвидено било на кровот од зградата да има зеленило.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа