Акција на македонската полиција: Уапсени танчарки од Албанија и Србија
Во изминатите два дена, службеници од СВР Тетово направиле контроли врз неколку угостителски објекти во кои биле затекнати 16 девојки кои ги забавувале гостите. Од нив, 7 биле од Македонија, пет девојки од Албанија, и четири од Србија.
„Во периодот од 22:00 часот на 10.10.2018 година до 02:00 часот на 11.10.2018 година полициски службеници од СВР Тетово извршиле акциска контрола во угостителски објект во село Горно Седларце, лоциран покрај автопатот Тетово – Гостивар, сопственост на Н.Ш.(42) од Тетово. Притоа, во објектот биле затекнати 10 девојки (пет од Република Македонија и пет од Република Албанија) кои ги забавувале гостите. Странските државјанки биле приведени во Полициската станица Тетово за натамошна постапка.
Во периодот од 00:50 часот до 02:00 часот на 11.10.2018 година полициски службеници од СВР Тетово извршиле акциска контрола во угостителски објект во Тетово, лоциран покрај регионалниот пат Тетово – Желино, сопственост на А.Х.(46) од Тетово. Притоа, во објектот биле затекнати шест девојки(две од Република Македонија и четири од Република Србија) кои ги забавувале гостите. Странските државјанки биле приведени во Полициската станица Тетово за натамошна постапка.“, се вели во соопштнието на МВР.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
