Тепачка пред казино во Охрид, има повредени

За време на новогодишната ноќ, во Охрид регистрирано е едно нарушување на јавниот ред и мир кое се случило во 4:30 часот пред казино на улицата „Партизанска“, во кое учествувале седум лица.

Во тепачката две лица се здобиле со повреди, по што им била укажана лекарска помош.

Учесниците во инцидентот се приведени и против нив ќе биде поднесена соодветна пријава, информира портпаролот на СВР Охрид Стефан Димовски.

Во Охрид, како и на целото останато подрачје нема сообраќајни незгоди, соопшти полицијата.