Димовски кон СДСМ: Јавниот долг за 18 месеци го зголемивте за пола милијарда евра
Илија Димовски, пратеник од редовите на пратеничката група на ВМРО-ДПМНЕ и Коалицијата „За подобра Македонија“ во текот на седницата рече дека јавниот долг во Македонија е зголемен за 494 милиони евра, односно пола милијарда евра за 18 месеци.
„Мислам дека ова Собрание малку се занимава со „работата“ односно неработата на министерството за финансии. И сега е еден од моментите за можност да дискутираме, и генерално околу ситуацијата. Вие предлагате едно решение со кое што со државниот и јавниот долг ќе опфатите и други ставки кои што досега не сте ги опфатиле. Што значи дека административно заради оваа измена и ќе се зголеми и државниот и јавниот долг. Што ќе оневозможи и реализација на други реформи или пак проекти во иднина. Кои што би можеле да помогнат во економскиот развој“, појасни Димовски.
Димовски го потсети СДСМ и нивната Коалиција кога одеа на терен за време на изборите. -И на сите граѓани, во сите градови од кои што доаѓаат, Куманово, Виница, Штип, Прилеп итн. им велевте Владата на ВМРО-ДПМНЕ ја задолжило Република Македонија до енормни граници. Им велевте дека задолжувањето мора да престане и им ветувавте на сите дека ќе го намалувате долгот на државата. Во моментот кога СДСМ ја презема власта 2017 година до моментот сега 31.12.2018 година државниот долг е зголемен за 380 милиони евра.
„Долгот на државата е за 380 милиони евра поголем. А, јавниот долг оној во кој што влегуваат долговите на јавните претпријатија, долговите на акционерските друштва во државна сопственост и општините, значи вкупно е зголемен за 494 милиони евра, односно пола милијарда евра за 18 месеци“, нагласи Димовски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа