Мицкоски- Тицињски: Интеграцијата на Македонија во ЕУ и во НАТО е клучната стратешка определба на ВМРО-ДПМНЕ
Претседателот на ВМРО-ДПМНЕ, Христијан Мицкоски денес, оствари средба со Амбасадорот на Република Полска во Република Македонија, Војциех Тицињски.
На средбата се разговараше за актуелните политички и економски случувања во Република Македонија, како и политичкиот прогон кој го спроведува власта кон политичките неистомисленици.
Главниот проблем во државата е недостатокот на правдата и проблемите со владеење на правото, посочи Мицкоски.
Претседателот на ВМРО-ДПМНЕ го информираше амбасадорот за политичкиот реваншизам кој го спроведува власта кон политичките противници.
Мицкоски истакна дека интеграцијата на Македонија во ЕУ и во НАТО е клучната стратешка определба на ВМРО-ДПМНЕ. Соговорниците се согласија дека вистинските реформи и Евроатланската интеграција на Македонија е клучна за стабилноста во регионот, а искуството и помошта од Полска при овие процеси е од огромно значење за државата
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
