СДСМ: Ја направивме Северна Македонија земја со високи плати и инвестиции

СДСМ со соппштение денеска:

Силна економијата, нова германска странска инвестиција во земјава со 400 нови и добро платени работни места

 Успешните економски политики на Владата предводена од СДСМ и напредокот во евроинтеграциите ја вратија довербата и конкурентноста во домашната економија.

 Република Северна Македонија е атрактивна земја за инвестирање со силна економија. 

 Германската компанија „Герешајмер“ реши да ги искористи економските поволности и да инвестира во нова фабрика во земјава.

 Компанијата ќе произведува фармацевтски амбалажи и производи а обезбедува нови 400 работни места наменети за високо квалификуван кадар  со високи плати.

 Странските инвестиции имаат заначајна улога во поттикнувањето на економскиот раст и намалувањето на невработеноста. Само во 2018 во странските инвестиции отворени се 4.500 работни места.

 Во 2018 година забележан е рекорден износ на странски инвестиции од 624,5 милиони евра, а рекорден раст бележеше и индустриското производство кое во 2018 година беше највисоко во последните седум години.

 Со пристапувањето во НАТО и процесот на интеграција во ЕУ, економскиот раст дополнително ќе се интензивира со што ќе се отворат можности за повеќе инвестиции, нови работни места, повисоки плати, повеќе пари и повисок животен стандард за сите граѓани.