АНКЕТА: Само во март Силјановска ја зголемила предноста пред Пендаровски за 20%
Професорката Гордана Силјановска има значително поголема поддршка од својот противкандидат Стево Пендаровски меѓу читателите на Press24. Според анкетата во последната недела од март 63% од оние 5.300 наши читатели кои решиле да го дадат својот глас, ја поддржале Гордана Силјановска, додека 37% се одлучиле да гласаат за Пендаровски.
Идентичен беше резултатот и во третата недела од март, додека во првите две, Силјановска имаше помала предност.
Најблиску беа на почетокот на месецот кога од скоро 9.000 наши читатели 52% се определија за Силјановска а 48% за Пендаровски.
Трендот покажува дека Силјановска само во март за околу 20% ја зголемила својата предност пред Пендаровски или за 11 процентни поени.
Press24 ќе го тестира расположението на своите читатели и во наредниот период.
Вашиот глас можете да го дадете и на оваа анкета.
Гласањето е тајно. Резултатите го покажуваат расположението на читателите на Press24, односно на оној дел од нив кои решиле да гласаат на анкетата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
