Мицкоски: На Македонија и е потребен честит и принципиелен претседател кој ќе се избори за правда

Претседателот на ВМРО-ДПМНЕ Христијан Мицкоски денеска на митинг се обрати пред граѓаните во Виница.

Мицкоски истакна дека имал средба со голем број на граѓани и директно од нив слушнал дека граѓаните со СДСМ и Заев живеат многу лошо, во беда и сиромаштија, додавајќи дека на тоа мора да му дојде крајот а тоа е возможно само со поддршка на претседателските избори за  кандидатот на ВМРО-ДПМНЕ Проф. д-р Гордана Силјановска Давкова.

Ова не се само претседателски избори, ова е многу повеќе од тоа. Ова е крај со остатоците од транзицијата, ова е крај од криминалното семејство  кое што ден денешен крстари по Европа со Мерцедес, Мајбах и Бентли. Ова треба да биде крај за недостоинствена Македонија, ова треба да биде крај за криминалците во Република Македонија и затоа ние е потребна победа, на 21-ви април масовно да излеземе и да го подржиме нашиот кандидат идниот претседател Проф. д-р Гордана Силјановска Давкова, рече Мицкоски.

Претседателот Мицкоски пред  граѓаните потенцираш дека Зоран Заев заборавил на сите ветувања кои што ги дал пред граѓаните  потенцирајќи дека не е правда да се ветува загарантиран откуп и повисоки субвенции, а кога ќе дојде ден за откуп  земјоделските производи остануваат на нивите необрани.

Граѓаните едвај крај со крај врзуваат од први до први. Не е правда кога им ветувате на луѓето загарантиран откуп повисоки субвенции и стимулации во земјоделието, а кога ќе дојде денот и овде во Виница, и во Кочани и во Пелагонија останува необран на нивите, вели тој.

Претседателот Мицкоски додаде дека Заев го понижал и ги изманипулрал граѓаните ветувајќи им дека кога ќе дојде на власт ќе ги открие сите нерасчистени убиства, додека сега од позиција бега

Не е правда господине Заев кога ќе ги лажете децата починати трагично на Смилковското езеро, а денеска да бегате да ги погледнете во очи. Да им велите дека он знаете кој се вистинските сторители на тој немил настан. Не е тоа правда. Не е правда да велите дека живот ќе донесете а пекол донесовте во Република Македонија, потенцираше Мицкоски.

Мицкоски појасни дека на Македонија и е потребен честит и принципиелен претседател кој што ќе се избори за правда и правдина.

За честита Македонија, требаат честити луѓе. Не требаат луѓе апологети на лопови и на лажови . гласот за Стево Пендаровски е глас за Зоран Заев. И тука не треба да имаме дилема тоа се двајца луѓе лице и опачина на иста паричка, истакна Мицкоски.

На крај претседателот Мицкоски побара од граѓаните да застанат рамо до рамо со ВМРО-ДПМНЕ и проф. д-р Гордана Силјановска Давкова и заедно да се изборат за победа на претседателските избори се со цел да се победат неправдите со кои што секојдневно се соочуваат граѓаните на Република Македонија.