Полицијата на терен со часови: Рачна бомба пронајдена кај Дебарско
На брегот на Дебарско Езеро во месноста наречена „венец“ вчера е пронајдена стара експлозивна направа, рачна бомба.
Случаен минувач експлозивната направа ја забележал во 13:35 часот по што пријавил во Полициската станица од општа надлежност во Дебар.
– Подрачјето беше обезбедено од полициски службеници се до 18 часот, кога овластено службено лице од Дирекцијата за заштита и спасување изврши безбедно подигнување.
Констатирано е дека се работи за рачна бомба од италијанско производство што потекнува од Втората светска војна, изјави Стефан Димоски, портпарол на Секторот за внатрешни работи од Охрид.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
