СДСМ: Стевананџија се заканува кон граѓани со бесилки, бараме оставка веднаш
Нервозата во белиот дворец кулминира, нема спас за криминалците. Ова денеска го велат СДСМ.
- Пратеникот на ВМРО-ДПМНЕ, Димитар Стевананџија на социјалната мрежа Твитер во комуникација со граѓаните, се заканува со бесилки и шири говор на омраза, што е скандалозно и недозволиво за човек што треба да ги претставува граѓаните во Собранието. Срамно и недозоливо е Стеванаџија да шири говор на омраза и да заплашува граѓани со бесилка, само затоа што некои имаат различни ставови од него.Со таквото однесување Димитар Стевананџија покажа дека не достоен да ја извршува функцијата пратеник и мора веднаш да си поднесе оставка, велат СДСМ.
Го повикуваат Народниот правобранител, по допрен глас да реагира на ова очигледно ширење омраза и закани кон граѓаните.
- Апелираме за овој случај да се произнесе и претседателот на Собранието на Република Северна Македонија, Талат Џафери, а пратеничките групи, особено онаа на ВМРО-ДПМНЕ да го осудат ваквото оденсување на Стевананџија. Како одговорна партија, осудуваме каков било вид на закани, уцени и притисоци заради јавно искажан став. Тоа во демокатрска држава е недозволиво, а особено загрижувачки е што таквите закани доаѓаат од страна на народни претставници во законодавниот дом. Очигледно е дека ВМРО-ДПМНЕ нема намера да се откаже од матрицата на закани, уцени и пресметки со политичките неистомисленици што ги практикуваше цели 11 години како владејачка партија, велат од владејачката партија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа