СДСМ: ВМРО-ДПМНЕ кулминира со безидејност и лажни вести
ВМРО-ДПМНЕ продолжува да ја докажува својата безидејност која кулминира со ширење на лажни вести, велат од СДСМ во реакција на пресот на Невенка Стаменсковска.
Од партијата велат дека крајно несериозно е ВМРО-ДПМНЕ која е симбол за партизирање на сите институции да зборува за ваков негативен феномен
“Времето кога државните институции беа партиски подружници заврши со заминувањето на ВМРО-ДПМНЕ во опозиција.
Софтверскиот систем на Министерството за информатичко општество и администрација е набавен во 2014 година за време на владеењето на ВМРО-ДПМНЕ и истиот чини околу 2.000.000 евра.
Но, според официјалните информации од Министерството за информатичко општество и администрација, за истиот систем не е набавен Изворниот код на софтверската апликација со што истата апликација не е функционална бидејќи Носителот на набавката – фирмата е носител на кодот, а не Министерството.
Исто така, Министерството, денес, троши повеќе од 2 пати помалку средства за модернизација на системот, од тоа што ВМРО-ДПМНЕ го трошеше додека беше на власт.
Целиот период на владеење на ВМРО-ДПМНЕ во областа на информатичкото општество се карактеризира со спроведување на скапи, необмислени проекти, без претходно направена анализа за користење, поддршка и потреба, најавувани како технолошко-општествени дострели, а скапо платени со огромни суми пари од граѓаните.
Откако СДСМ е на власт, иако нема законска обврска, Министерството за информатичко општество и администрација ги објавува и бројот на вработени и бројот на вработени преку агенции за привремени вработувања.
За ВМРО ДПМНЕ бројот на вработени во јавната администрација беше државна тајна
За разлика од ВМРО-ДПМНЕ, СДСМ не сака ниту сега, ниту кога и да е, ниту има потреба да сокрива било што“ велат од СДСМ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа