Заев: Со промоцијата на „Граматиката на современиот ромски јазик“ ќе придонесеме за општество еднакво за сите

Зоран Заев,на својот фејсбук профил напиша дека една од суштинските димензии на инклузивните општества е толеранцијата, почитувањето и поттикнувањето на културната разноличност.

„Една од суштинските димензии на инклузивните општества е толеранцијата, почитувањето и поттикнувањето на културната разноличност.

Со промоцијата на „Граматиката на современиот ромски јазик“ и Речникот на ромски јазик кој е во подготовка, сите заедно ќе придонесеме за општество еднакво за сите, за нас и нашите поколенија“ напиша Заев.

Премиерот заедно со министерот задолжен за Стратегијата за подобрување на состојбата на Ромите, Музафер Бајрам, се обратија на промоцијата на „Граматика на современиот ромски јазик“, а по повод Светскиот ден на ромскиот јазик – 5 Ноември.

Во своето обраќање Заев истакна дека една од суштинските димензии на инклузивните општества е толеранцијата, почитувањето и поттикнувањето на културната разноличност.

„Како општество еднакво за сите, се препознаваат, почитуваат и слават повеќекратни и разновидни идентитети. Кога ја славиме различноста и афирмацијата на разликите, создаваме општество на кое му се туѓи дискриминацијата и предрасудите“, рече премиерот Заев и додаде дека „Граматиката на современиот ромски јазик“ е капитално дело што може да послужи како основа во создавањето материјали наменети за училишната практика во образовниот процес.