ВМРО-ДПМНЕ: Заев спроведува предизборен поткуп
Граѓаните кои 3 години се жртва на директорите и партиските шерифи на СДСМ, кои ги даваа на извршување и ги тужеа граѓаните, нема да бидат изманипулирани, од лажното душегрижништво на Зоран Заев. Ова денеска преку соопштение го велат ВМРО-ДПМНЕ.
- Зоран Заев и СДСМ спроведуваат предизборен поткуп. На само 6 дена пред техничка влада, Зоран Заев најавува отпишување на долгови, процес кој планираат да се одвива во изборен период. Зоран Заев со овој чекор директно врши изборен поткуп на однапред определена група на граѓани. 3 години граѓаните беа жртви на џелатите на власта, јавните претпријатија и државните органи, кои ги даваа на извршување граѓаните и ги малтретираа по налог на Заев и врвот на власта, за сега да ги лаже и манипулира дека нешто прави, велат од опозицијата.
Додаваат дека лажната грижа за граѓаните завршува.
- По 12 април и отпочнувањето на обновата на Македонија следува вистинска грижа за граѓаните и нивните интереси, велат тие.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
