СДСМ: На Мицкоски му е криво што парите одат кај народот не кај фамилијата

Мицкоски по кој знае кој пат докажува дека слугува на режимската матрица на Груевски која грабаше и ги осиромашуваше граѓаните. Ова го велат денеска од СДСМ.

 - Мицкоски не може да се помири дека парите се враќаат кај граѓаните наместо да одат кај фамилијата.

  Популизам беше градењето на жални врби, шмизли и бикови на сметка на граѓаните. Реализација на мерката Мој ДДВ, преку која 15% од данокот на додадена вредност кој го плаќаат граѓаните, се враќа назад во нивниот буџет, дава одлични резултати. За само две тримесечја, преку оваа мерка граѓаните остварија поврат на близу 6,9 милиони евра. Веќе следниот месец, односно во февруари 2020 година, започнува исплатата на 3,7 милиони евра назад кон граѓаните за поврат на ДДВ за месеците октомври, ноември и декември. Оваа мерка не е популизам туку е популарна бидејќи вистински враќа пари во семејните буџети на граѓаните, велат СДСМ.

 Додаваат дека Мицкоски треба да се помири дека времето на грабање од граѓаните заврши и нема да се повтори, режим никогаш повеќе!