СДСМ: Мицкоски ги брани злоупотребите на процесот на лустрација, ВМРО-ДПМНЕ останува на страната на неправдата
Најавата на ВМРО-ДПМНЕ дека ќе се спротивстави на Предлог законот за поништување на лустрацијата е само уште еден доказ дека во оваа партија ништо не е променето, се вели во вечерашното соопштение на СДСМ.
„Наместо да се оградат, Христијан Мицкоски и пратениците на ВМРО-ДПМНЕ продолжуваат ги бранат бруталните злоупотреби на процесот на лустрација за политичка пресметка, со која се нанесе огромна неправда кон поединци.
Јавноста тоа го слушна и во прислушуваните материјали, каде високи функционери на ВМРО-ДПМНЕ, меѓу кои Милишоски, Јанкуловска, Груевски си нарачуваа лустрациски процеси по желба.
Со ваквиот однос ВМРО-ДПМНЕ предводена од Мицкоски а раководена од Груевски останува на страната на неправдата“, стои во соопштението.
13.01.2020 - 17:59
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
