СДСМ: Покажавме вистинска грижа и за пациентите и за лекарите
За две и пол години, СДСМ покажа што значи вистинска грижа за здравството, лекарите и пацитентите. Ова го велат денеска СДСМ.
- Преку одговорни мерки и политики градиме здравствен систем кој се грижи и нуди квалитетни здравствени услуги за сите граѓани.
Годинава започнува изградбата на нов клинички центар во Ѓорче Петров со целосно современа зграда и интегриран тип на услуги за да се обезбеди врвна здравствена заштита на пациентите. Во текот на оваа година е предвидено купување на 70 нови возила на итната медицинска служба, но обновување на возниот парк ќе се спроведува континуирано секоја година од новиот мандат.
Платите на лекарите, специјалистите и медицинскиот персонал ќе продолжат да растат. Новата програма на СДСМ предвидува и зголемување на платите на здравствените работници до 10 отсто секоја година, со цел тие да останат тука, да пружаат услуги во јавното здравство, велат тие.
Посветеноста и сериозноста на СДСМ во создавање на функционален здравствен систем и овозможување брза и квалитетна услуга за пациентите продолжува.
- Продолжуваме на прав пат заедно со граѓаните и по победата на 12 април, велат СДСМ.
27.01.2020 - 08:38
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
