СДСМ: Мицкоски чувствува одговорност само за спас на криминалците, одговорност за државата ниту имал ниту ќе има

Христијан Мицкоски чувствува одговорност само за спас на криминалците од редовите на ВМРО-ДПМНЕ предводени од неговиот ментор во Будимешта, Никола Груевски. За Мицкоски и ВМРО-ДПМНЕ одговорноста за државните интереси и интересите на граѓаните се непозната категорија, се вели во реакцијата на СДСМ на изнесените ставови на лидерот на ВМРО-ДПМНЕ Христијан Мицкоски во емисијата Топ-Тема. 
„Единствената агенда на делување на ВМРО-ДПМНЕ и Мицкоски е обнова на режимот. Затоа се против Законот за Јавно обвинителство, против Законот за одбрана кој е клучен за НАТО, затоа нивните министриво преодната влада ги наполнија кабинетите со кадри излезени од груевизмот. Затоа се закануваат дека ќе го уништат Договорот од Преспа и со тоа го загрозуваат членството во НАТО и интеграцијата во ЕУ. Изолација, деструкција, обнова на режимот, дејствување против граѓаните, тоа е понудата на Мицкоски и ВМРО-ДПМНЕ. Со таква понуда ги очекува нов пораз на 12 април кога граѓаните ќе потврдат дека сме на вистинскиот пат и ќе порачаат режим - никогаш повеќе“, стои во рреакцијата.  
 

 

 

Добивајте вести на Viber

05.02.2020 - 21:29

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега