СДСМ: ВМРО-ДПМНЕ и извршителот Мицкоски во очај продолжуваат да измислуваат и да пласираат лажни вести

ВМРО-ДПМНЕ е толку безидејно и очајно што тргна во секојдневни и неосновани напади врз претседателот Заев и членови на неговото семејство, велат од СДСМ.

Тие наведуваат дека ВМРО-ДПМНЕ, извршителот Мицкоски и неговиот шеф Груевски знаат дека се поразени од сите што и мислат добро на земјата и затоа постојано измислуваат и и неуспешно се обидуваат да пласираат лажни вести.

„А најповикан за лажни вести во белиот дворец е токму потпретседателот Николовски кој веќе еднаш загуби на суд за изречена клевета.

Стравот во белиот дворец кулминира со носењето на Законот за јавно обвинителство и неуспехот на извршителот Мицкоски да одбрани криминал.

СДСМ е за правда и одговорност, ВМРО-ДПМНЕ е за амнестија на криминалците, за обнова на режимот и изолацијата.

Ниту Мицкоски ниту ВМРО-ДПМНЕ нема да ја вратат државата чекор назад во изолација, режим и неказнивост.

Бадијала им се лажните вести и конструираните случаи. Граѓаните се цврсто определени за еввропска иднина со СДСМ и затоа на 12 април ќе порачаат – режим никогаш повеќе!“ се вели во партиското соопштение од СДСМ.

 

 

 

Добивајте вести на Viber

19.02.2020 - 16:24

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега