Славески: СДСМ се пофали со пораст на платите, а заборави на порастот на трошоците за живот

СДСМ се пофали со порастот на платите, но заборави да го пресмета порастот на трошоците за живот, со оглед на тоа што, како што расте платата, така расте и инфлацијата во една економија.

Ова го истакна професорот Трајко Славески кој гостуваше во „Топ тема“.

-Платата не можете да ја таргетирате, може и повеќе да расте. Ако создадеме услови економијата да расте побрзо со политиките, побрзо ќе расте и платата. Плата во номинален износ и тоа во денари да ја таргетирате е бесмислено. Знаете зошто е безмислено? Ако ги пресметаме трошоците за живот во реални износи, нели реалната плата зависи од трошоците за живот, истакна Славески.