СДСМ: Ние се грижиме за животната средина што ВМРО-ДПМНЕ ја загрозуваше
СДСМ со своите политики се залага и вложува во сите сегменти од општественото живеење со цел поквалитетен живот на сите граѓани, велат од партијата.
-Како дел од приоритетите на кои посветено работеше изминатите 2.5 години беше и заштитата на животната средина која се реализираше преку бројни мерки за намалување на загадувањето на почвата, воздухот и водата и сочувување на природата. Грижата за здравјето на граѓаните и животната средина продолжува уште подобро и уште повеќе. Воведуваме построга контрола и повисоки казни за загадувачите, комунална полиција во секоја општина и 24-часовен надзор врз инспекциските служби, се вели во соопштението од СДСМ.
Според партијата, тројно е зголемен бројот на еко инспектори, а како што велат, вовеле тројно повисоки казни за фабриките кои немаат еко филтри.
-60.000 домаќинства ќе добијат бесплатен еко инвертер, а ќе се обезбедат и субвенции за приклучување на централно греење и за набавка на филтри на оџаците на домаќинствата. Наспроти еколошките политики на СДСМ , ВМРО-ДПМНЕ 11 години не донесе ниедна мерка за животна средина. Наместо тоа, поделија десетици концесии за рудници,купија најевтини кинески загадувачки автобуси, ја покачија цената на струјата за 100% и ги принудија луѓето да се греат на горива кои загадуваат. Ги натераа корисниците на парно во Скопје да се исклучат и имаат чиста нула инвестиции во обновливи извори на енергија. Денес, граѓаните ја гледаат разликата помеѓу одговорниот пристап на СДСМ и деструктивното однесување на ВМРО-ДПМНЕ. Затоа на 12 април СДСМ заедно со граѓаните ќе оствари уште една победа. Продолжуваме заедно. Можеме уште повеќе, уште подобро, велат од СДСМ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа