Банките, штедилниците, менувачниците и правните субјекти коишто даваат услуга брз трансфер на пари продолжуваат да работат

И по прогласувањето на вонредна состојба финансиските институции продолжуваат да работат, информира Народната банка.

-И по прогласувањето на вонредната состојба, финансиските институции за коишто Народната банка е надлежен регулатор и супервизорски орган (банки, штедилници, менувачници и правни субјекти коишто даваат услуга брз трансфер на пари) продолжуваат да работат и да ги извршуваат своите клучни функции, со што нивните услуги и натаму ќе ви бидат достапни, се вели во соопштението од Народната банка.