УФЦ шампион уапсен поради возење во алкохолизирана состојба, а имал и пиштол

УФЦ ѕвездата Џон Џонс е уапсен во Ново Мексико поради возење во алкохолизирана состојба и поседување на оружје.

Полицијата од Албакрки потврди дека Џонс е уапсен.

Граѓани пријавиле дека слушнале пукотници, а полициските службеници го затекнале Џонс со неименуван совозач во црн „џип“, а под автомобилот биле најдени и шишиња со алкохол.

Под седиштето на шампионот бил пронајден и пиштол.

Тој е тестиран и има два пати повеќе алкохол во крвта од дозволената количина.

Ова е третпат да биде уапсен поради возење во алкохолизирана состојба. Тоа му се случи во 2012 и во 2015 година.