Тутунскиот комбинат Прилеп со квартална загуба од 60,4 милиони денари

 Прилепскиот Тутунски комбинат (ТКП) соопшти дека во првиот квартал од 2020 година остварил нето загуба од 60,4 милиони денари, по загубата од 48,5 милиони денари во истиот период лани.

Вкупниот приход на компанијата во првите три месеци од годинава се намалил на 70,8 отсто, иако продажбата на домашниот пазар е зголемена за 23,5 проценти на 15,77 милиони денари, наведува СЕЕ Њуз.

Ваквиот пад се должи на фактот што компанијата не остварила приходи од продажба во странство во првиот квартал од 2020 година. Во периодот јануари-март 2019 година ТКП од активности во странство оствари 39,39 милиони денари.

Вкупните оперативни трошоци на ТКП се намалени за 36,4 отсто на 65,79 милиони денари.

Со акции на Тутунскиот комбинат Прилеп последен пат на Македонската берза се тргуваше на 27 декември минатата година, по просечна цена од 250 денари за акција.

 

 

 

Добивајте вести на Viber

13.05.2020 - 13:15

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега