ПОЦ: Минатата недела санкционирани 132 непрописно паркирани возила
ЈП „Паркинзи на Општина Центар“ и Општина Центар во соработка со Сообраќајната полиција – Скопје минатата недела санкционирале 132 непрописно паркирани возила кои го попречувале нормалното и безбедно одвивање на сообраќајот.
– Во периодот од 25 мај до 31 мај 2020 година, со помош на специјалните возила „Пајак“ на ЈП ПОЦ отстранети се 65 непрописно паркирани возила, а со поставување на механичко средство „Блокатор“ санкционирани се 67 возила кои биле затекнати во резидентни зони, а не биле корисници-резиденти на секторот во којшто биле паркирани, соопштуваат од ЈП ПОЦ.
Оттаму посочуваат дека континуирано ќе ја спроведуваат оваа мерка со цел да се доведе во ред сообраќајниот хаос и проблемот со непрописното паркирање на комерцијалните и резидентните паркиралишта и улици на територијата на Општина Центар.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа