Во последните 10 дена во Хрватска се потврдени само три нови случаи
Во последните 24 часа во Хрватска нема нови случаи на коронавирус. Од вкупно потврдени 2.246 случаи, закрепнале 2.077 лица, а 103 починале.
Активни се 66 случаи, од кои четири пациенти се на респиратор.
Во последните 10 дена во Хрватска се потврдени само три нови случаи.
„Придржувањето до сите досегашни мерки и упатства е клучно, бидејќи одговорното однесување може да го намали ширењето на заразата со коронавирус. Секој мора да биде свесен за одговорноста за сопственото здравје, здравјето на семејството и сограѓаните“, соопшти Институтот за јавно здравје на Хрватска.
02.06.2020 - 13:57
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
