Се изгасна пожарот на бродот во Северното Море

Пожарот на данскиот товарен брод  „Британија Сивејс“, кај норвешкиот брег на Северното Море после  13 часа е изгаснат.

Пожарот изби синоќа во контејнер на горната палуба на товарниот брод во сопственост на данската компанија ДФДС, а пожарникарите во еден момент биле близу да го изгаснат пожарот, но тој повторно се разгорел бидејќи контејнерот бил полн со гориво.

За среќа ниту еден од екипажот не е повреден , и се очекува пловилото попладне да го продолжи патувањето до Берген, каде ќе биде прегледано заради проценка на штетата.