Песков: Русија е подготвена за преговори со Украина во секое време, но под наши услови
Русија била и останува подготвена да го реши украинскиот проблем по дипломатски пат, но Москва ќе го стори тоа под свои услови и тие ќе бидат исполнети на овој или оној начин, изјави портпаролот на Кремљ, Дмитриј Песков.
„Навистина, Русија беше и останува подготвена да го реши украинскиот проблем дипломатски – по свои услови. Овде едноставно е соодветно уште еднаш да потсетиме дека овие услови се договорени во Истанбул. А за нив се согласија и двете страни – преговарачите на Русија и Украина“ – посочи тој.
Портпаролот на Кремљ потсети дека подоцна Киев се откажал од овој договор и скршнал од преговарачката патека.
„И да, Русија е подготвена за преговори. Нашите услови ѝ се добро познати на украинската страна. Вака или онака ќе бидат обезбедени“, заклучи Песков, пренесе Новости.рс.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа