Климатските промени ќе доведат екстремни суши и поплави во Србија

Во истражувањето на српскиот Хидрометеоролошки институт се наведува дека климатските промени во следните години ќе доведат до периоди на екстремни суши и поплави во Србија.

“Климатските промени или глобалното затоплување влијаат врз зголемувањето на температурата, што ќе доведе до промени во врнежите и се очекуваат периоди на екстремни суши и на врнежи”, изјави раководителот на проектот Славимир Стевановиќ.

Стевановиќ прецизира дека истражувањето се однесува за периодот од 2000 до 2030 година, а потоа за периодите од 2030 до 2060 година и до крајот на 21 век.