Манасков: Ни се исполни желбата - ги добивме Грците
Македонскиот ракометар Дејан Манасков е задоволен што за пласман на Мундијалот во Катар македонската репрезентација ќе ги одмери силите со Грција.
-Видов дека ја добивме Грција за противник и задоволен сум поради тоа. Да бидам искрен, сите ја посакувавме Грција, па нормално е да бидеме среќни што желбата ни се исполни. Политика е политика и не треба да се меша со спортот, но овојпат станува збор за нешто специфично, па сигурно ќе бидеме дополнително мотивирани за да славиме и да се пласираме на СП 2015 во Катар. Немам премногу информации за противникот во моментов, но јасно е дека ние сме фаворити и решени сме оваа улога да ја потврдиме на терен, вели Манасков за Екипа.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
