Мојсоски: На Филип Втори против Грција нема да не собере
Наумче Мојсовски како и останатите ракометари во националниот тим велат дека Грција претставува идеален противник за нашата селекција, пред се поради тоа што оваа земја е лесен противник за разлика од останатите тимови кои се со повисок рејтинг и квалитет, но и поради тоа што Грција дефинитивно ќе придонесе за поголеми возбудувања поради проблемите кои што ѓи имаме на политички план.
- Самите да си избиравме противник за баражот, подобар не ќе можевме да избереме. Мислам дека Грција ни е идеален противник и не би требало да имаме поголем проблем да се пласираме на светското првенство. Идеално е и тоа што играме прво на гости, па потоа дома. Сите во репрезентацијата го посакувавме овој противник и желбите ни се исполнија. Kога и да игра нашата репрезентација, таа добива стоотстотна поддршка од навивачите, а, земајќи ја предвид ситуацијата помеѓу Македонија и Грција, во случајов мислам дека ќе добиеме барем двојно поголема поддршка од вообичаеното. Мислам дека дури и да играме на стадионот „Филип Втори“, трибините ќе бидат преполни и ќе се бара билет повеќе. Секако, ние очекуваме нашите навивачи да н` поддржат – вели Наумче Мојсовски за Дневник, кој моментно е во Хрватска каде што закрепнува од повредата што ја доби непосредно пред почетокот на ЕП.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа