Пензионерите бесплатно ќе се возат и во недела

Освен во вторниците, петоците и саботите, пензионерите од Скопје ќе можат бесплатно да се возат во автобусите на ЈСП и во неделите, објавува Алфа.

Според информациите на телевизијата, овој предлог, пензионерите да добијат уште еден гратис ден возење во автобусите во јавниот превоз се наоѓа меѓу материјалите за следната седница на Советот на Град Скопје.

Мажите постари од 64 години и жените постари од 62 можат бесплатно да се возат во автобусите на ЈСП, а ова право се докажува со покажување лична карта на службени лица во автобусот.