Два автомобила се искршија во Струга - повредени четири лица
Четири лица се здобија со повреди во страотна сообраќајна несреќа која се случи синоќа во Струга.
Во близина на Мороишки Мост и бензиската пумпа на „Окта“, околу 21 часот и 30 минути, од засега неутврдени причини, се судриле две патнички возила, а повредените лица биле веднаш хоспитализирани во Општата болница во Струга.
Според дежурниот лекар-хирург, доктор Владо Кочоски, здравствена состојба на повредените е стабилна и тие се пуштени на домашно лекување.
- Четворицата патници од едното возило, родители и нивните две ќерки имаа телесни повреди, а патничката од другото возило беше донесена со претрпен психички стрес. Сите се во добра здравствена состојба и се пуштени на домашно лекување, информира доктор Кочоски, пренесе МИА.
Полицијата работи на утврдување на причините за несреќата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
