Пронајдено женско тело во Кочанка река близу браната Градче

Тело на мртва жена е пронајдено вечерва по 19 часот во водите на Кочанска река, на оддалеченост од 2,5 км низводно од браната Градче.

Полицијата, според очевидци, добила дојава по што и го извлекле телото. Идентитетот на жената засега не е познат бидејќи кај неа не се пронајдени никакви документи, а нема информации ниту за тоа како дошло до смртта.   

Според првични информации, телото на жената било во водата на Кочанска река еден до два дена.

Телото е предадено на обдукција.