Ставрески: Ќе се исплатат долговите на Повардарие кон лозарите
Обезбедени се средства за исплата на сите лозари од Тиквешијата кои имаа договор со винарската визба Повардарие за грозјето што е предадено претходно, најави денеска во Струмица вицепремиерот и министер за финансии Зоран Ставрески.
- Исплатата на средствата ќе почне во среда и ќе се одвива во среда, четврток и петок преку Стопанска банка Битола, изјави Ставрески.
Тој посочи дека сите лозари треба да отворат трансакциски сметки во банката и додаде дека банката работи и денеска.
- Лозарите ќе се информираат во банката кога точно ќе можат да ги подигнат средствата. Исплатата за првата група ќе почне во среда, а потоа ќе продолжи во четврток и петок. На тој начин ќе се реши прашањето на исплата на долговите на Повардарие кон лозарите, нагласи Ставрески.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
