Студентите од Скопскиот универзитет помагаат на Србија и БиХ
Студентскиот парламент на Универзитетот „Св. Кирил и Методиј“ со студентските парламенти на сите факултети на УКИМ денеска и утре на две локации ќе организира хуманитарна акција за помош на луѓето од поплавените подрачја во Србија, Босна и Хрватска.
- Првата локација е во паркот на Технолошкиот кампус во периодот од 12 до 16 часот, а втората локација е на кампусот на факултетите по медицина, во зградата на Сојузот на студенти по медицина и во зградата на институтите, од 8 до 14 часот, соопшти Студентскиот парламент на УКИМ.
Работите што ќе бидат собрани организирано ќе бидат испратени во најкризните подрачја.
СПУКМ апелира да се донираат храна (конзервирана храна, млеко во прав или пастеризирано), вода во шишиња, ќебиња и гардероба, хигиенски средства и храна и пелени за бебиња.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
