Владата со план против пушењето

Македонските власти планираат да се борат против пушењето со поскапувањето на акцизите на цигарите. Ваквиот план ќе стапи во сила од 1 јули 2014 година кога цигарите ќе поскапат во просек за 4 денари од кутија, а до 2023 година кутија цигари која што денеска ќе се продава за 40 денари, ќе достигне цена до околу 90 денари.

Властите планираат да ја зголемат стапката на специфичната и минималната акциза на цигарите за 0,15 денари за цигара.

Стапката за секое парче од 1 јули 2016 ќе се зголемува за 0,20 денари за парче секоја година до 2023 година.

Проценките на СЗО се дека доколку сите земји го зголемат данокот на цигарите за 50% на светот ќе има 49 милиони пушачи помалку. Со тоа ќе се избегнат 11 милиони смртни случаи кои се предизвикани од пушењето.