Нов рекорд: Регистрирани 205 заразени од коронавирус во земјава - 6 лица починаа

Постигнат е нов рекорд по бројот на заразени со коронавирус во земјава. Највисокиот број на заболени досега изнесуваше 196, но бројот и понатаму расте. Во последните 24 часа регистрирани се 205 нови случаи на заболени од Ковид-19.  Резултатот е добиен по изработени 1728 тестови, дознава Алсат-М.

Истовремено, 336 пациенти се излекувани, а починаа 6 пациенти позитивни на Ковид-19.

Со ова вкупниот број позитивни случаи во земјава, од почетокот на епидемијата, достигна 7777.

Излекувани се 3960, а починале 368 пациенти.