Нови предупредувања: Германски виролог тврди дека ќе има не само втор, туку и трет бран на Ковид 19

Германскиот виролог Хендрик Штрек верува дека ќе има и втор и трет бран на инфекција со ковид- 19 и дека општеството мора да научи да живее со коронавирусот.

Во ТВ-емисија, Штрек рече дека не очекува брз развој на вакцината.

Во блиска иднина, тој не гледа напредок во развојот на вакцинацијата, и покрај фактот дека огромен број на луѓе се вклучени во потрагата низ целиот свет.

Штрек не е убеден во досегашните резултати во развојот на вакцина или лек.

Затоа, вели тој, општеството мора да живее со коронавирусот.

"Мораме да се помириме со тоа и да сториме најдобро што можеме. Тоа значи дека ќе имаме постојани осцилации, што е веќе сега случај. Ние, исто така, секогаш мора да сметаме на појава на жаришта, како што беше случајот со Гитерлох", објасни еден од водечките виролози во Германија.