Обама: Светот мора да се обедини во борбата против тероризмот

Американскиот претседател Барак Обама денеска од Хавана ги осуди нападите во Брисел и нагласи дека САД се ќе направат да им помогнат на белгиските власти да ги пронајдат одговорните.

- Ќе направиме се што е потребно за да го поддржиме нашиот пријател и сојузник Белгија и одговорните да ги изведеме пред лицето на правдата, изјави Обама. 

Тој додаде дека нападите во Брисел се уште еден индикатор дека светот мора да се обедини во борбата против тероризмот без оглед на „националноста, расата или верата“.

- Ние можеме да ги поразиме тие кои ја загрозуваат сигурноста и небезбедноста на луѓето ширум светот и тоа ќе го направиме, истакна Обама.

Во меѓувреме американскиот државен секретар Џон Кери разговараше со шефот на белгиската дипломатија, а Стејт департментот ги проверува извештаите дека во нападите се повредени најмалку тројца Американци.

Во терористичките напади на бриселскиот аеродром и на метро-страницата во центарот на градот, според најновите информации загинаа околу 35 луѓе, а 200 се повредени. 

 
 
22.03.2016 - 20:37

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега