Петровска: Илинденците се симболот за нашиот непокор и мотив за напредок на сите во Македонија
Министерката за одбрана на Република Македонија, Славјанка Петровска објави статус на нејзиниот профил на Фејсбук.
„Со денешната свеченост во историско Крушево и со симболичното кревање на бајракот на слободата во првиот миг на 2-ри август, чествуваме „10 дена Крушевска Република“, чествуваме слободна, независна, безбедна татковина!
Крушевската Република ја отсликува нашата богата култура, нашето историско наследство и мултиетничноста и мултикултурализмот кои се дел од нашиот генетски код.
Само здружени и со меѓусебна доверба ќе бидеме секаде и секогаш посилни. Слободата е нашата победа и затоа да не ја испуштаме од своите раце. Таа не се освојува еднаш засекогаш, туку секој ден и постојано. Низ секој наш творечки подвиг. И низ секој изгрев што нѐ осветлува. Тоа е нашата величествена светлина и нашиот оган на кој се грееме“, напиша Петровска.
Илинденците се симболот за нашиот непокор и самобитност. Тие се нашиот мотив да продолжиме да се бориме – за подобро утре, за прогресивна држава, за напредок на сите граѓани на Северна Македонија, додава министерката.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа