Полицијата упаднала во домот на скопјанец: По она што го пронашле веднаш бил приведен

Јавен обвинител од Основното јавно обвинителство Скопје поведе истражна постапка против 47-годишно лице за кое постои основано сомнение дека го сторило кривичното дело – Неовластено производство и пуштање во промет на наркотични дроги, психотропни супстанции и прекурсори од член 215 став 1 од Кривичниот законик.

Како што соопшти ЈОРМ, во својот дом на улицата „Рилски конгрес“ во Скопје осомничениот неовластено произведувал наркотична дрога – марихуана. На 21 септември, се посочува, при претрес во неговиот дом биле пронајдени две стебла од растението канабис со висина од по 130 сантиметри, со развиен корен, стебло, листови и цвет, 11 соголени гранки и четири гранчиња канабис, повеќе кутии со траги од наркотична дрога и рачно изработена цигара со марихуана.

До судијата на претходна постапка од Основниот кривичен суд Скопје јавниот обвинител достави предлог за определување мерка притвор за осомниченото лице.​​

22.09.2021 - 10:01

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа