„Поради неговата мајка го мразам како да е фашист“- Индиски новинар откри зошто никогаш нема да навива за Ѓоковиќ

За најдобриот тенисер на светот, Новак Ѓоковиќ, особено се зборува после Вимблдон каде тој го освои својот 20-ти гренд слем трофеј.

По освојувањето на шестиот Вимблдон и 20-от гренд слем трофеј, Новак се изедначи на вечната листа со Рафаел Надал и Роџер Федерер.

Периодов исто така се огласуваат и коментираат многу од експертите од тенискиот свет, а особено се истакнала една колумна од порталот „Sportskeed“.

Автор на истата е индиски новинар, Шајам Камал, а насловот на колумната е „Зошто не можам да навивам за Новак Ѓоковиќ“.

„Да морам да изберам еден играч да игра тенис за мојот живот, не би го избрал Ѓоковиќ, па дури и да знам дека тоа ми е единствената шанса да останам жив“, објаснил Камал, па продолжил:

„И покрај сè, морам да признаам дека Ѓоковиќ веројатно е најдобриот тенисер на сите времиња, иако сè уште трае таа дебата. Го мразам како да е фашист. Зошто? Поради тоа што неговата мајка Дијана во 2008 година изјави „кралот е мртов, да живее кралот“, кога Ѓоковиќ го победи Федерер во Австралија во 2008 година.

Кога по 13 години видов дека неговото име е повторно на ѕидот на Вимблдон, се сетив колку го мразам. Но, тој и натаму е тука. Подобар е од Надал и Федерер.

Како стана најдобар? Видовте во финалето на Вимблдон, последниот поен. Играше 11 удари на 2:1 во сетови и 5:3 против еден Матео Беретини, па чекаше тој да погреши. Тоа е добар потег, но кој сака таков тенис?

Друго размислував зошто толку го мразам. Веројатно поради ладнокрвноста и тој „мртов“ стил. Доколку сте навивач на Надал и Федерер имате што да сакате. Вака... Секако дека тој е најдобар и премногу добар за да бидете возбудени околу него. Непобедлив е“, стои во колумната. 

14.07.2021 - 17:19

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега