Поранешен боксерски шампион и хрватски политичар осуден на затвор: Силувал вработена, па сакал да ѝ плати за да молчи

Поранешниот хрватски пратеник од ХДЗ, Дамир Шкаро и освојувач на олимписки медал во бокс, денеска е прогласен за виновен за сексуално вознемирување и силување на поранешнa вработенa во Автоклубот Сигет, каде што тој бил сопственик. Тој е осуден на две и пол години затвор, а мора да плати и 3.787 евра за судски трошоци и вештачења.

Жалбата против Шкар за силување ја поднела докторка откако вработената во Автоклубот Сигет ѝ кажала дека сексуално ја нападнал во просториите на автоклубот на почетокот на август 2019 година. Сведочеше и жената која детално го опиша сексуалното злоставување.

Таа рече дека Шкаро со десната рака ја фатил околу половината, ја притиснал до себе и ја втурнал левата рака во нејзиниот градник. Во еден момент, вели таа, успеала да се повлече и му рекла да престане. Но, тој не ја послушал.

„ Ми ја стави едната рака на грб, а другата ми ја стави под фустанот. Го молев да престане, а тој рече дека ќе прави што сака, дека ќе ме фрли на креветот во собата и ќе ме силува“, рекла жената.

Таа додала дека после се Шкаро се обидел да ја посети и ја прашал дали може да ѝ се извини, на што таа му рекла дека нема извинување за тоа. Неговиот пријател ѝ понудил 80 илјади евра за да молчи.