Повторно закана од катастрофални полави во Србија: Вонредна состојба во седум општини

Поради растот на водостојот и поплавите, вонредна состојба е прогласена во седум општини во Србија, каде под вода се 500 домаќинства, 48 луѓе се евакуирани, додека едно лице е спасено.

Состојбата е најкритична во Љубовија и Гуча, бидејќи во раните утрински часови имало силно дождови

. 

Кризен штаб за вонредни ситуации во Обреновац

Денес ќе заседава кризниот штаб за вонредни ситуации во Обреновац поради кревање на водостојот на реката Колубара и заканите за излевање, потврдил претседателот на таа општина, Мирослави Чучковиќ.

Чучковиќ на социјалните мрежи објавил дека ситуацијата е засега мирна иако, и дека иако водостојот на Колубара е зголемен, сепак, не постои можност од излевање.

Извештај за состојбата на реките: Водостојот на реката Тамнава од насока на Коцељева е без закана да се излее. Водостојот на реката Колубара во Велики Црљени на влез од насока на Ваљево е без закана да се излее. Водостојот на реката Колубара низ Обреновац во Бело поле исто така е без опасност.

Обилни врнежи и денес

Републичкиот хидрометеоролошки завод "РХМЗ" на својот сајт издал предупредување и за денес кое се однесува на обилните дождови кои се закануваат на јужните и централните делови, во кои, како што се наведува, се очекуваат 40 мм дожд за 24 часа.

Денес до 12 часот на сила е хидролошко предупредување, а тоа, меѓу другото, се однесува на реката Колубара, која е во група со останатите, на кои водостојот ќе им биде со поголем пораст, и тоа со надминување на нивото за предупредување.

Големите дождови кои довеле до излевања и раст на водостојот на многу реки во Србија се последица на циклонот кој и денес ќе донесе дождови и грмотевици во поголем дел од Србија.

Poplave u okolini Krupnja. Jadar je nabujao, a mnoge njive su pod vodom. Narod se već organizuje da brani #poplave2020 pic.twitter.com/Msw8ktT6YG

— Jelena Djokic (@Jelena_Djokic) June 22, 2020